2017  
  2016  
  2015  
  2014  
  2013  
  2012  
  2011  
  2010  
  2009  
  2008  
  2007  
  2006  
Gorakhpur Me Matam

By Col (retd) Bhaskar Sarkar VSM

Gorakhpur ke sarkari aspatal me bharti they bimar bachche

Ma, Baap, padosi dua mang rahe they ho jai bachche achche!


Ilaj kya hua kaun jane, kaun jane kaun si karan

Panch din me chausathh bacche ka ho gaya maran!


Desh bidesh me khabar faile, uthe hazar sawal,

Paksh bipaksh ke natain panhuche pata karne hal!


Sarkar boli August hai bachchon ka marne ki samai,

Mantri kahe oxygen kam tha par marne ka karan nahi tai!


Sarkar boli oxygen ki kami ke jimedar hai thekedar

Thekedar bole billon ka bhuktan nahi karta hai Sarkar!


Bill pass karne ke liye Principal mangta raha hai paise

Tresath lakh ka bhuktan baki, saman pahunchaye kaise?


Goshalaon ke liye paise bahoot hai, paise hai video bananeka

Paisa nahi hai staff rakhneka aur dhang se aspatal chalaneka!


Kya "Bande Mataram" gana hai akela deshbhakti ka pahchan?

Kya go raksha karne aur mandir banane se hoga mera Desh mahan??


Bacchon ka marna, maon ki rona kaun jane kab hoga sesh,

Sarkari afsaron ke dadagiri aur wasulise se kab mukt goga mera desh!


Kaun jane kab rishwat bina hoga bill aur pension ka bhuktan,

Kab tak pani ke pyase rahenge desh basi, marte rahenge kisan?


Paise ki kami nahi hai Sarkar ke pas Sansadon par barsaneka,

Paise ki kami nahi hai bullet train aur sadak bananeka,


Paise ki kami nahi hai Sarkar ke pas muafza ya laptop bantneka

Paisa nahi hai Sarkar ke pas swasth karmi aur shikshak niyukt karneka!


Kaun jane kabtak Sarkaron pe chalega Sangh ka farman,

Kya itihas badlake, "Bande Mataram" gaa ke hoga mera desh mahan??