2017  
  2016  
  2015  
  2014  
  2013  
  2012  
  2011  
  2010  
  2009  
  2008  
  2007  
  2006  
Hamara Neta

Gantantra ki hai mantra jo bhi chunao jeeta, Sant ho ya chor ho, banega hamara Neta!!

Kuchchh Neta mantri banke chalaten hai sarkar!

Stambh rah jaoge dekh ke unka ahankar!!

Kuchchh Neta dhongi babaon ko dete rakhsha aur note

Badleme mang lete hain bhakton ka keemti vote!!

Kuchchh Neta bante hain go bansh ki rakshak

Koi Neta bante hain sarkari dhan ki bhakshak!!

Koi kahaten hain sarkar kharida lakhon ton dal

Firbhi karjon ke bojh se kisan hai behal!!

Aspatal me bachche marte, patri se utarti rail gadi,

Neta kahte kismet tumhara, nahi hai mera jimmedari!!

Peeneka nahi hai pani, sauchalaya ka kahan se aye

Beena nagdi ke arth babastha me gareeb rojgar kaise paye!!

Paise ki kami nahi hai Sarkar ke pas Sansadon par barsaneka,

Paise ki kami nahi hai Sarkar ke pas muafza ya laptop bantneka

Paise ke kami nahi hai sadak aur bullet train bananeka

Paise nahi hai swasth karmi aur shikshak niyukt karneka!!

Koi Neta hai sapno ke saudagar, bolte launga achhchhe din,

Rojgar bina, nagdi bina, kaise kaate garibon ke din!!

Chunao ate hi badal jate hian netaon ke byabhar

Hath jodkar vote mangte samay karte wade hazar!!

Chunao ke bad kai Neta janta ko nahi pahachane,

Wade na nibhaneka dete hain hazaron bahane!!

Dukhi janta mandir pahunchi, bole "hey Bhagwan,

Kuch kijiye, ham toe ho gaye Netaon se pareshan"!!

Bhagwan kahen, "ham nahi, vote deke tumhine chuna Neta,

Bina soch samajhke vote dete ho, fir kiyun ab tum rota!!

Jati, dharam, aur baton me aake na dalo apna vote,

Sahi prarthi ko pahachano, thukrao sharab aur note!!

Agar sikhsit, saccha, karam yogi ko Neta tum bana paoge

Desh aur apne jeevan me khushiyan jaroor le aoge!!"